Денес во Келн се одржа полуфиналната ждрепка за завршниот турнир во Лигата на шампионите.
По 196 одиграни натпревари во досегашниот тек од сезоната, четири екипи, меѓу кои и нашиот Вардар, останаа „живи“ и ќе се борат за престижниот трофеј.
Вардарци за противник го добија најголемиот фаворит за титулата и противникот против кого се соочија пред две години. Во второто полуфинале силите ќе ги одмерат Веспрем на Дејан Манасков и Киелце.
Полуфинални парови ЛШ:
Барселона – Вардар
Веспрем – Киелце
Полуфиналните средби во „Ланксес Арена“ ќе се одиграат на 1 јуни, а финалето е закажано ден подоцна.
По завршувањето на турнирот ќе добиеме нов шампион кој ќе го наследи Монпелје на европскиот ракометен трон.
