Ова го изјави премиерот Заев на 10 ноември 2017 година. Но утре се навршуваат 4 години од вооружениот настан во Диво Насеље во Куманово, случај за кој веќе се казнети 37 лица, од кои 7 на доживотен затвор. Меѓународна истрага се уште нема. Министерката за правда Рената Дескоска рече дека нема информации за конкретни случаи и дека овој случај треба да премине во рацете на СЈО доколку има докази. Но, претседателката на СЈО, Катица Јанева изјави дека се уште нема докази и дека тешко е да се каже дали СЈО ќе го преземе случајот.
Од друга страна, специјалната обвинителка Катица Јанева рече дека за овој случај нема одредени докази туку само индиции за тоа што и како се случило.
Инаку, за настанот Диво Насеље казнети се 37 лица со вкупно 746 години затвор. Од нив, 7 лица се казнети со доживотен затвор, 13 со по 40 години затвор, 6 со по 20 години затворска казна. Останатите обвинети се казнети со по 18 или помалку години затворска казна. Повеќето од нив се државјани на Косово.
