Оваа вест ќе се појави вечерта на 12-ти мај по 23 часот кога ќе бидат познати финалистите од второто полуфинале на Евровизија 2022 во Торино, Италија.
Текстот е токму сега објавен бидејќи резултатот уште сега се знае. И нека не се појавуваат прашања дали треба да учествува Македонија, ДА ТРЕБА исто како што треба да учествува на европските и светските спортски првенства и други настани кои чинат многу поскапо од Евровизија.
Зошто сме сигурни дека нема да бидеме во големото финале? Едноставно немаме повторно песна. Имаме екипа која 10 години е задолжена за Евровизија и која само на 2 пати успеала да биде во финале: 2012 и 2019.
Да, во 2019 го имаат најголемиот успех, но очигледно од тој успех не научија ништо. Бидејќи и да се одржеше Евровизија во 2020та, Васил немаше да биде во финале исто како што не беше ни лани.
Зошто? Затоа што ние не ги праќаме најдобрите песни. И тука не станува збор дали треба да има повеќе песни или да се избере изведувач и да се претстави песната, тука имаме проблем каква е песната. Дали некои од песните откако истите луѓе се задолжени за Евровизија 10 години станала хит? Да, Црно и бело, Dance alone и Proud. Од 10 години, само 3 песни во сопствената држава биле хит и ние сакаме успех на фестивалот. Еден период бевме критикувани дека лошиот сценски настап е директна причина за невлегување во финалето. Тоа беа Тамара во 2008, Јана во 2017 и некои други. По 2007 неколку пати сме биле на 11 место, значи за само 1 место не сме влегле во финалето, ако веќе не била најдобрата песна тогаш настапот можел да помогне. Но, ни тоа не се направило.
Да се вратиме на оваа година. Има милион буквално сајтови и youtube канали каде обожавателите на Евровизија ги рангираат песните кои некоја земја би требало да ја претставуваат. Од оваа година можевме да заклучиме дека главен фаворит им беше Лара, па Виктор. Андреа скоро никој не ја спомнуваше за победа. Да, девојката има одличен вокал сите тоа го потврдуваат, но нема песна. Сите сметаат дека Circle е едноставна песна изведена од одличен вокал коај брзо се заборава. Верувајте сценскиот настап ќе биде лош и така и таа од вкупно 18 земји во полуфиналето ќе биде меѓу последните 3. Не треба да си некој експерт погледнете ги обложувалниците, Македонија од вкупно 40 земји е рангирана од 38 до 40 место, последните 2 места. Тоа значи има НУЛА шанса за големото финале.
Кога ќе почнат пробите на 30 април, сето ова ќе се потврди дека повторно немаме ниту добра песна, ниту настап.
Настапот на Тамара беше ефективен. Да, беше работен од шведска екипа, и никој не забранува да работат луѓе однадвор за нашиот настап. 12 поени од Велика Британија го докажуваат тоа. Никој не може да влијае на BBC ни на нивното жири, жирито вреднува вокал, песна и на последно место настап, тоа го пишува во водичот за жирито на официјалната страница на Евровизија.
Тамара имала вокал, песна и Икс фактор кој биле пресудни жирито од оваа земја да и даде 12 поени.
Оваа година освен одличниот вокал нема да има ништо, плус мрачната приказна на песната нема да привлече, туку напротив ќе одврати многу луѓе да ја стават во своите топ 10. Иако Андреа плени со непосредност во секое нејзино интервју и со харизма и прекрасна насмевка, песната е таква што ќе биде се мрачнио и депресивно. Целосно неприкладно за моментот во кој живееме, пандемија и војна во Европа. И повторно немаме песна доволно силна за влез во финале. И повторно да организацијата е на МРТ и тие имаат право да изберат кого сакаат. И треба да изберат, и не мора да биде избор на 6 песни, а однапред да се знае дека Андреа ќе биде победникот бидејќи странското жири многу лесно можело да се договори како да гласа со претставниците на МРТ. Е токму МРТ не послуша и не рече: чекај сите се за Виктор и Лара, иако Виктор беше фаворитот во многу лошиот национален избор, ама ние сепак треба да го пуштиме Масевски како композитор бидејќи не отиде со Тамара во 2007 (се сеќавате на тоа)? Останатите сајтови за Евровизија имаа напишано дека нашиот национален избор е еден од најлошите национални избори оваа година. Па откако ќе го видите сето тоа, едноставно нели допира до Вас и не си велите па чекајте зошто да не отиде Виктор или Лара кои очигледно беа фаворити една недела пред да се донесе одлуката. На Виктор буквално му беше одземена победата од рака, 3 пати повеќе гласови од публиката, ама во правилникот стои во случај на ист резултат победник е оној со најмногу поени од жирито, и се разбира дека се знаеше дека тоа не е Виктор.
Па дури и шведската национална ТВ имаше фаворит оваа година Корнелија Јакобс, и тоа се забележува на начинот на кој гласа меѓународното жири, кој всушност и ја даде победата место подобрата песна која беше фаворит на публиката и сепак беше втора. Иако Шведска имаат оваа година многу просечна песна повторно се фаворити, но во последните години неколку земји се т.н. powerhouse на Евровизија. Тоа се освен Шведска, Италија и Украина. Тоа се земји кои едноставни ако немаат доволно добри песни, сценскиот настап е феноменален и секогаш се фаворити. Не значи дека ние треба да одиме на победа, но барем да се потрудевме да влеземе во финале не секоја година, секоја втора или трета. Вака сме во последните 10 години, само 2 пати и плус невлегувањето оваа година. А екипата која го носи главниот збор не се менува, па кај нас побрзо премиер се менува отколку екипата задолжена за Евровизија. Па од буџетот на државата се финансира МРТ значи од данокот на граѓаните, па не може дотолку да немате успех, а сепак да останете на тоа место. Многу е едноставно, обожавателите и големиот број сајтови и youtube канали кои постојат, изберете 20 од нив, претставете им 5 песни, они многу подобро ќе ви кажат која песна е одлична за финале. Па, тие ви пишуваат совети, Македонијам, вие сте имале одлични песни ги упропастивте со лошиот сценски настап. Или за оваа година, изберете го Виктор, барем е поразличен од сите или Лара која е балада многу поприфатлива од оваа на Андреа.
Ааааа не луѓето задолжени за изборот веќе си зацртале кој треба да не претставува, вие џабе делите совети и кокодакате, ние сме најдобри, се најдобро знаеме. Е, очигледно не знаете од 10 односно 11 години барем 4-5 пати да влезевме, не само 2 пати. Па не мора национален избор, и познати изведувачи би сакале да настапуваат, седнете договорете се, направете анализа пуштете не мора 5, 2-3 песни видете реакција па направете избор.
Или не мора ни тоа, песните не тгреба да бидат јавно изведувани пред 1 октомври претходната година од одржувањето на Евровизија. Имате 5 месеци, видете која песна била хит во тие 5 месеци, зошто таа песна да не биде претставникот. Знаете ли во последниве години колку хитови сме имале што можеле да бидат на Евровизија, ама неее кај нас кога треба да се напише песна за Евровизија композиторите како да ќе пишуваат нова симфонија од Бетовен и измислуваат песни кои ќе ги слушаат само нивните дома.
Многу е едноставно, ама зошто да биде така, кога мора кај нас секогаш да се комплицира, и притоа за неуспехот да се наградуваат истите кои и понатаму остануваат одговорни за изборот.
Ова сега го читате, и 100% сме сигурни во резултатот, ништо нема да се промени и тоа е ФАКТ. Да, треба да одиме на Евровизија, ама нека дојде некој со нови свежи идеи, време е за промена, оваа екипа очигледно нема капацитет за повеќе.
