Шпанките Денот на жената го пречекаа удирајќи со тави и тенџериња

Стотици жени се собраа на полноќ на плоштадот Пуерта дел Сол во центарот на Мадрид, по повод Денот на жената протестирајќи за поголема родова еднаквост. Некои носеа облека во виолетова боја која во последните години стана заштитен знак на демонстрантите за женски права.

„Важно е да протестирате на ден како што е Денот на жената бидејќи сè уште има многу разлики и проблеми во општеството со кои се соочуваат жените и тие мора да се надминат. Ние сме во патријархално општество“, кажа една од демонстрантките, 21-годишната студентка за филмска уметност Абрил Вилатролол.